सत्याच्या बाजूने उभे असलेले ज्येष्ठ पत्रकार – मा. संतोषभाऊ जुजगर
————
➡️
– वाढदिवसानिमित्त विशेष लेख – नितीन ढाकणे
लोकशाहीचा चौथा स्तंभ असलेल्या पत्रकारितेला खरा सन्मान मिळवून देणाऱ्या पत्रकारांमध्ये संतोषभाऊ जुजगर हे नाव अत्यंत आदराने घेतले जाते. पत्रकारितेची वाट कोणत्याही दिखाव्यापेक्षा जबाबदारीची आणि सामाजिक भान राखणारी असावी, याचा आदर्श संतोषभाऊ जुजगर यांनी आपल्या लेखणीतून आणि माणुसकीतून सातत्याने जपला आहे.
आज कोणत्याही क्षेत्रात प्रामाणिकपणा आणि सत्यनिष्ठा जपणं कठीण झालं आहे. पण तरीही काही व्यक्ती अशा असतात, ज्या आपल्या कर्माने आणि मूल्यांनी समाजात आशेचा किरण ठरतात. अशाच एक तेजस्वी व्यक्तिमत्त्व म्हणजे मा. श्री. संतोषभाऊ जुजगर.
निर्भीड आणि सत्यनिष्ठ पत्रकारितेचा आदर्श:
संतोषभाऊंच्या पत्रकारितेचा आत्मा म्हणजे सत्य आणि निर्भयता. कोणताही दबाव, कोणतेही प्रलोभन किंवा भीती त्यांच्या लेखणीच्या धारेला रोखू शकली नाही असे हे व्यक्तिमत्व आहे.
गावपातळीवरील छोट्यातल्या छोट्या समस्यांपासून ते व्यापक सामाजिक प्रश्नांपर्यंत त्यांनी आवाज उठवला – आणि तोही नेहमी सामान्य जनतेच्या बाजूने. गरजूंच्या व्यथा आणि लोकांच्या अपेक्षांना त्यांनी आपल्या लेखणीच्या माध्यमातून शासन दरबारी पोचवले. म्हणूनच त्यांच्या लेखनाने अनेकांना न्याय मिळवून दिला आहे.
सामाजिक प्रश्नांना वाचा फोडणारा आवाज:
पत्रकारिता ही केवळ बातमी देण्यापुरती मर्यादित न ठेवता, ती सामाजिक परिवर्तनाचे साधन व्हावी, हा त्यांचा दृष्टिकोन आहे. गावातील पाणी प्रश्न, रस्त्यांची दुर्दशा, शैक्षणिक अडचणी, आरोग्य व्यवस्था – अशा अनेक समस्यांना त्यांनी प्रकाशझोतात आणले. त्यांच्या सातत्याने केलेल्या पाठपुराव्यामुळे अनेक प्रश्न मार्गी लागले.
➡️ नवीन पत्रकारांसाठी मार्गदर्शक असणारा पत्रकार :
संतोषभाऊ हे केवळ पत्रकार नाहीत, तर एक प्रेरणास्रोत आहेत. पत्रकारितेच्या नव्या वाटा चोखाळणाऱ्या तरुणांसाठी ते नेहमीच मार्गदर्शक ठरले आहेत. त्यांनी अनेक नवोदित पत्रकारांना योग्य दिशा दिली, त्यांना शब्द, सचोटी आणि सामाजिक बांधिलकी यांचे महत्त्व ते नेहमी समजाव असतात.
➡️ धार्मिक आणि सामाजिक क्षेत्रातील योगदान:
पत्रकारितेबरोबरच ते सामाजिक आणि धार्मिक कार्यातही सक्रिय आहेत. कुठलाही सामाजिक उपक्रम असो, रक्तदान शिबीर असो, की गावातील एखादा धार्मिक उत्सव – संतोषभाऊंची उपस्थिती आणि सक्रिय सहभाग हमखास दिसतो. त्यांच्या कामातून समाजहित आणि लोकसेवा यांची जाणीव ठळकपणे जाणवते.
➡️ पत्रकारितेच्या माध्यमातून समाजसेवेचा संकल्प
संतोषभाऊ जुजगर यांनी पत्रकारिता ही केवळ बातम्यांची माध्यम व्यवस्था न मानता, ती एक सामाजिक जबाबदारी मानली. सामान्य जनतेच्या प्रश्नांना शासनाच्या कानावर पोचवणं, अन्यायाला वाचा फोडणं आणि सत्य बाजूला न्याय मिळवून देणं – हेच त्यांचे लेखणीचे उद्दिष्ट ठरले.
➡️ सामाजिक आणि धार्मिक कार्यात सक्रीय सहभाग:
पत्रकार असण्याबरोबरच ते एक जागरूक सामाजिक कार्यकर्तेही आहेत. एखाद्या धार्मिक कार्यात सेवा – संतोषभाऊंची उपस्थिती ही एक प्रेरणा असते. समाजासाठी कार्य करण्याची त्यांची तळमळ ही शब्दात मावणारी नाही.
➡️ व्यक्तिमत्त्व आणि मूल्यांची प्रेरणा :
संतोषभाऊ जुजगर यांचं व्यक्तिमत्त्व हे जितकं सुसंवादी, तितकंच ठाम आहे. त्यांचं साधं पण प्रभावी वागणं, लोकांशी जोडलेली नाळ, आणि प्रत्येक कामात असलेली पारदर्शकता – यामुळे ते प्रत्येक वयोगटात प्रिय आहेत. त्यांच्या बोलण्यात आत्मीयता आहे, तर लेखणीत सत्याची धार आहे.
आज त्यांचा वाढदिवस. हा केवळ एक दिवस नव्हे, तर त्यांच्या जडणघडणीचा आणि समाजासाठी त्यांनी उभारलेल्या कार्यप्रवासाचा गौरव करण्याचा दिवस आहे.
आपण ज्या पद्धतीने लोकांसाठी लिहिता, समाजासाठी लढता, आणि नव्या पिढीला योग्य दिशा देता – ते कार्य असंच अखंड सुरू राहो, हीच प्रार्थना!
आपण ज्या प्रामाणिकपणाने पत्रकारितेचा वसा घेतलात, लोकांसाठी आवाज बनलात, आणि नव्या पिढीसाठी दिशा दाखवली – त्या प्रत्येक कार्यासाठी आम्ही ऋणी आहोत.
प्रभू वैद्यनाथ आणि श्री तुळजाभवानीचरणी प्रार्थना करतो की, “आपल्या पुढील वाटचालीसाठी उत्तम आरोग्य, यशस्वी जीवन आणि अढळ समाजभान लाभो !”
वाढदिवसाच्या मनःपूर्वक शुभेच्छा, संतोषभाऊ !
आपल्या लेखणीची मशाल अशीच तेजोमय राहो !